Akkademja Al Martire San Andrea Apostolo fuq it-televizjoni – Għaqda Mużikali Sant'Andrija, Luqa, Malta

Akkademja Al Martire San Andrea Apostolo fuq it-televizjoni

///Akkademja Al Martire San Andrea Apostolo fuq it-televizjoni
Akkademja Al Martire San Andrea Apostolo fuq it-televizjoni 2017-12-30T23:21:29+00:00

Nġeddu l-memorji sbieħ tal-akkademja, ‘Al Martire San Andrea Apostolo’ li saret nhar is-sibt 19 t’April 2008. Dan billi nhar is-sibt li ġej 26 t’April 2008 fis-7.30pm ser tixxandar fuq l-istazzjon ‘Family TV’ min fuq il-Melita Cable. Ser issir ripetizzjoni ta’ din ix-xandira nhar il-Ħadd 27 t’April 2008 fit-3.00pm.

Siltiet min din l-akkademja jkunu fuq il-You Tube Channel tal-każin http://youtube.com/user/bandasantandrija fi żmien qarib.

TIFĦIR LILL-BANDA ĦAL-LUQAIJA
Li ġġib l-Arma u l-Isem SANT’ANDRIJA

F’dan il-jum kbir u solenni
F’dina l-festa ta’ l-Appostlu
Tifħir imorru nroddu
Lil min bil-wisq jistħoqlu.

Dik il-banda li ġġib l-arma
Ta’ l-Appostlu S. Andrija
Li f’qalbna llum tnissel
L-akbar ferħ u l-allergrija.

Bħala stilla tirrisplendi
F’din il-ġurnata l-arma tagħha
Ir-raġġi tagħha f’qalbna titfa
Biex ilkoll ningħaqdu magħha.

Dina l-arma li qiegħed insemmi
Bla xejn inġibu idejiet
Tikkonsisti, Salib, Kuruna
Imdawrin biż-żewġ palmiet.

Dina l-arma tal-banda tagħna
Biha ninsabu wisq kburin
Jekk xi Ħal-Luqi ma sellimx lilha
Ma jkunx min-nisel ta’Ħal-Luqa

Dina l-arma ġo Ħal-Luqa
Ta’ bil-fors iġġiblek għira
Arma oħra ġo pajjiżna
Ħdejn ta’ l-Appostlu hija żgħira.

Għaliex b’dik l-arma ta’ l-Appostlu
Li hemm fil-fidi tal-magħmudija
Lil kulħadd immorru nuru
Li aħna ulied ta’ Sant’Andrija.

Dana l-isem ta’ din il-banda
Fost l-oħrajn huwa l-aħjar
Huwn l-Isem ta’ Sant’Andrija
Ta’ Ħal-Luqa it-Titular.

Viva ngħidu ‘l Qaddis tagħna
Il-Kbir Appostlu Sant’Andrija
Viva dejjem dik il-Banda
Li għalih hija msemmija.

Bir-raġun o Banda tagħna
Miegħek nibqgħu mgħaqudin
Għax il-kbir Ismek S. Andrija
Huwa l-għaxqa ta’ Ħal-Luqin.